Վաճառվում է եռահարկ թաունհաուս` Երևան քաղաքի էկոլոգիապես մաքուր և հետաքրքիր լուծումներով կառուցված՝ Վահագնի թաղամասում: Թաղամասը բաժանված է տեղամասերի, որոնցում տեղաբաշխված են տարբեր ոճերի առանձնատներ, թաունհաուսներ, բարեկարգված հողակտորներ, «Շանթ» անունով արհեստական լճակը, առևտրի հաստատությունը և «Արարատ Վելլի» քաղաքամերձ ակումբը՝ լողավազանով, գոլֆի մեծ և փոքր դաշտերով, թենիսի կորտերով, ֆուտբոլի խաղահրապարակով և ռեստորանով: Տան ընդհանուր մակերեսը կազմում է 276 քմ մակերես: Այն ամբողջությամբ վերանորոգված է, համալրված հարմարավետ կահույքով, հագեցած է անհրաժեշտ տեխնիկայով: Նկուղային հարկում կա կինոդիտման սրահ, ժամանցի հյուրասրահ` բուխարիով և բիլիարդի սեղանով, ֆիննական բաղնիք, խորդանոց, սանհանգույց, 1-ին հարկում` նախասարահ, հյուրասենյակ, ստուդիո ոճի խոհանոց, սանհանգույց և ընդարձակ հարմարավետ տերասա: 2-րդ հարկը բաղկացած է 3 ննջասենյակից, 2 բաց պատշգամբից, լոգասենյակից ու սանհանգույցից: Առկա է աշխատասենյակ, զգեստասենյակ, լվացքատուն և ավտոտնակ: Շենքը երեսպատված է քարով, տան հատակները ծածկված են գրանիտով և ընկուզենու մանրահատակով, միջսենյակային դռները փայտից են: Սանհանգույցները սալիկապատված են, հագեցած սանտեխնիկայով: Ջեռուցման և օդափոխության համար տեղադրված է կենտրոնացված ջերմակարգավորման համակարգ` առանձին հատվածներում ջերմությունը կարգավորող: Առկա է օդի խոնավեցման համակարգ: Թաղամասում առկա են բոլոր պայմանները բարեկեցիկ և անհոգ կյանք անցկացնելու համար, որտեղ փողոցները մաքուր են և բարեկարգված: Հնարավոր է վաճառք կահույքով և տեխնիկայով` հավելավճարով: