Նորք Մարաշում վաճառվում է շքեղ 3 հարկանի առանձնատուն, որի ընդհանուր մակերեսը 2400 քմ է, բնակելի մասը` 600 քմ։ Առանձնատունը բարձրորակ շինանյութով կապիտալ վերանորոգված է, սենյակները լուսավոր են և հարմարավետ, տեղադրված են անհատական ջեռուցման և օդորակման համակարգեր, հատակը ծածկված է լամինատով և սալիկներով։ Սանհանգույցները սալիկապատված են և հագեցած բարձրորակ սանտեխնիկայով, տեղադրված են լոգախցիկներ, լոգարաններ։ Առանձնատունը կահավորված է թանկարժեք կահույքով, համալրված է բարձրորակ կենցաղային տեխնիկայով։ 1-ին հարկում կա նախասրահ, ընդարձակ հյուրասենյակ, խոհանոց և սանհանգույց, 2-րդ հարկում` 2 ննջասենյակ՝ կից սանհանգույցներով, գրասենյակ, ընդհանուր մեծ սանհանգույց և բաց պատշգամբ: 3-րդ հարկում կա 3 ննջասենյակ՝ կից սանհանգույցներով, զգեստասենյակներով և պանորամային պատուհաններով փակ պատշգամբներն օգտագործվում են որպես հանգստի սենյակներ: Պատշգամբներից բացվում են գեղեցիկ տեսարաններ դեպի ամբողջ քաղաքը։ Բակում առկա է բացօթյա լողավազան` հովանոցով, լոգասենյակ, մարզասրահ և շոգեբաղնիք` առանձին շինությամբ և սանհանգույցով, ամառային զրուցարան, գեղեցիկ շատրվաններ և արձաններ: Տարածքում կա նաև առանձին շինություն, որը նախատեսված է թռչուններ և կենդանիներ պահելու համար, կանաչապատ տարածք՝ հազվագյուտ դեկորատիվ բույսերով և պտղատու ծառերով: Առանձնատունը պարսպապատված է, ունի առանձին պահակակետ` իր սանհանգույցով, 6 մեքենայի համար ավտոտնակ, տարածքն ապահովված է անվտանգության տեսախցիկներով: